O cartelismo antes do Photoshop

Herbert Bayer foi un dos destacados alumnos da Bauhaus , onde recibiu as ensinanzas de Kandinsky entre outros. A fotografía axiña colleu auxe nos seus traballos e converteuse nun dos máis importantes e influíntes deseñadores publicitarios, sendo xefe de deseño da revista Vogue na súa sede berlinesa.

Bayer destacou por ser fotógrafo, pintor, escritor, aequitecto, paisaxista… A súa obra destaca por un forte influxo do superrealismo. É unha obra moi impactante se temos en conta que o proceso de creación non contaba coa asistencia informática coa que hoxe en día todo debuxante, fotografo e deseñador conta.

Tras do ascenso do nazismo en Alemaña, exiliouse nos Estados Unidos onde seguiu coa súa magnífica e orixinal produción. No ano 1938 organizou a exposición e o catálogo Bauhaus 1910-1928 no MOMA de Nueva York. Entre outras cousas, creou unha fonte sans serif chamada Archtype Bayer.

A súa obra ten unha forza visual moi forte e impactante e semella imposíbel non pensar nos modernos traballos de render e montaxe informáticos ao contemplala. Como mostra estas dúas imaxes que me parecen impresionantes.

Soidade do cidadán, 1932

Soidade do cidadán, 1932

metamorphosis

Metamorfose. 1936

Tags: ,

2 Responses to “O cartelismo antes do Photoshop”

  1. Papuda a mostra e papudo o novo formato da bitácora, Pastor…

    Eu sempre aprecei moito á Bauhaus, á que cheguei precisamente por Kandinsky, anque agora turro máis cara a Vhutemas soviética…

  2. Alégrome de que gustes do novo formato. A min o cartelismo soviético tamén me tira moito. Sobre todo esas formas poligonais e a mestura de cores cálidas apagadas. Anímate e fai unha semblanza no pazo de Trasalba. Eu ando algo pez como para poñer nada por estes lares.